Maine  maut ko karib se dekha..

Maine maut ko karib se dekha.

Kafan mein lipte,Tan jalte apne sharer ko dekha,

Khare they log haath bandhe ek kataar mein ,

Kuch they pareshaan, kuch udaas they,

Kuch chupa rahe apni muskaan they,

Dur khara dekh raha tha main yeh saara manjar,

Tabhi kisi ne haath badha kar mere haath thaam liye,

Haath thaamne wala koi aur nahi mera bhagwaan tha,

Chehre par uske muskaan aur nange pau tha,

Jab dekha ushki taraf jigyasa bhari nazroon se,

Toh hash kar bola, tune do ghari japa mera naam tha,

Aaj pyaare apna karz chukane aaya hu,

Ro diya main apni bewakoofiyon par tab yeh soch kar,

Jisko do ghari japa, wo bachane aaye hain,

Aur jinmein har ghari rama raha,

wo shamshaan pahuchane aaye hai,

tabhi khuli meri aankh bistar par viraajmaan tha,

kitna tha naadan , main hakikat se anjaan tha..